Bayern Munich me ofertë të re për Trippier, Newcastle United e dëshiron anglezin akoma në skuadër

Bayern Munich nuk ka hequr dorë për Kieran Trippier, duke dërguar ofertë të re në drejtim të Newcastle United, por këta të fundit e dëshirojnë akoma në skuadër reprezentuesin anglez.

Bayern ka paraqitur një ofertë të dytë për Trippier, sipas Florian Plettenberg, pasi ka parë që oferta e tyre e parë të refuzohet javën e kaluar. Megjithatë, Sky raporton se oferta është refuzuar, me Newcastle tenton ta mbajë yllin e tyre në skuadër. Raportimet kanë sugjeruar se Trippier tashmë ka rënë dakord për kushtet e lëvizjes, të cilat do ta ribashkonin atë me ish-bashkëlojtarët e Tottenhamit, Harry Kane dhe Eric Dier.

Trippier ka duruar një sezon të vështirë në 2023/24, megjithëse ai mbetet i domosdoshëm për skuadrën e Eddie Howe. Ai ka bërë 19 paraqitje këtë sezon dhe ka munguar vetëm në rastet kur ka qenë i lënduar ose i pezulluar. Kontrata e tij zgjat deri në vitin 2025, kështu që kjo mund të jetë një nga shanset e fundit që Newcastle ka për të marrë një tarifë të madhe nga shitja e tij.

Trippier, Kane dhe Dier ishin pjesë përbërëse e Spurs nën drejtimin e Mauricio Pochettinos dhe Anglisë në Kupën e Botës 2018. Të tre lojtarët shënuan nga pika e bardhë kur Tre Luanët mundën Kolumbinë në një ndeshje emocionuese gjashtë vjet më parë.

Ka pak gjëra në dorë që ai mund të bëjë për të detyruar një lëvizje nëse Newcastle nuk është i gatshëm të shesë, edhe nëse ai ka rënë dakord për kushtet me Bayernin. Ai mund të jetë i detyruar të presë deri në verë për çdo lëvizje, megjithëse kjo do të kërkonte një ndryshim nga hierarkia e 'Larasakave'.