Aubameyang 'MBRETI' i Ligës së Evropës, bëhet golashënuesi më i mirë i kësaj gare
Sulmuesi i Marseilles, Pierre-Emerick Aubameyang, është bërë golashënuesi më i mirë i të gjitha kohërave në Ligën e Evropës, pasi shënoi kundër Shakhtar Donetsk.
Aubameyang shënoi golin e tij të 31-të në Ligën e Evropës kundër, teksa mori një top bukur afër portës dhe përfundoi aksionin me gjakftohtësi në këndin e poshtëm për të vendosur një rekord krejt të ri. Ai kishte qenë i barabartë me Radamel Falcao me 30 gola, por tani e ka kaluar ish-yllin e Manchester United. Natyrisht, rekordi shtrihet vetëm nga viti 2009, kur Kupa UEFA u riemërua. Megjithatë, ai është në nivel me golashënuesin kryesor të Kupës UEFA, ikonën e Suedisë Henrik Larsson.
Aubameyang shënoi golat e tij në Ligë të Evropës për klube të ndryshme. Ai shënoi 14 gola për Arsenalin, tetë gola për Borussia Dortmundin, dy për Barcelonën dhe tani shtatë për Marseille. Goli i tij të enjten e ndihmoi klubin e Ligue 1 të fitonte 3:1 në mbrëmje dhe një fitore të përgjithshme 5:3, për t'u kualifikuar në 1/8 e finales.
Pas ndeshjes së tyre në Ligë të Evropës me Shakhtarin, Marseille përballet me Montpellier të dielën në Ligue 1. Ata aktualisht janë në vendin e nëntë në tabelën e elitës franceze.
