Arsenali i ofron 30 milionë euro për yllin e Gironës, në garë edhe Milani

Raportohet se Arsenali është vënë pas yllit të Gironës, Viktor Tsygankov, por nëse e duan atë duhet të përballen me Milanin, pasi gjiganti italian ka shfaqur më herët interesimin për të.

Sipas AS, Arsenali dhe Milani i janë drejtuar Gironas për nënshkrimin e ukrainasit. Raportimi shton se 26-vjeçari, kontrata e të cilit skadon në vitin 2027, ka një klauzolë lirimi prej 26 milionë funte (33 milionë dollarë).

Pasi dështoi në garën e tyre për titullin kampion në Premierligë për një sezon të dytë radhazi, trajneri i Arsenalit, Mikel Arteta do të kërkojë të forcojë skuadrën e tij që përfundimisht mos të ketë asnjë mungesë në këtë garë. Thellësia në skuadër është thelbësore dhe anësori Tsygankov mund të jetë një shtesë e shkëlqyer për skuadrën e Londrës veriore.

Ish-ylli i Dynamo Kyiv, i cili iu bashkua Gironas në janar 2023 për 4.25 milionë funte (5 milion € / 5.4 milion dollarë), shënoi tetë gola dhe bëri shtatë asistime në 34 paraqitje për Gironën këtë sezon. Ai ka këmbëngulur se nuk do të përpiqet të detyrojë klubin spanjoll ta shesë atë këtë verë pasi ai dhe familja e tij janë të lumtur aty ku janë.

Ndërsa negociatat e transferimit ka të ngjarë të vazhdojnë prapa skenave, Tsygankov po përgatitet të luajë për Ukrainën në Kampionatin Evropian të kësaj vere në Gjermani gjatë këtij muaji.