Arsenali i ofroi 80 milionë euro për Caicedon, vjen përgjigja e Brightonit

Brightoni e ka hedhur poshtë ofertën e dytë nga Arsenali për mesfushorin e Ekuadorit, Moises Caicedo, duke ia bërë me dije liderit të Premierligës se lojtari nuk është në shitje.

Oferta më e fundit e Arsenalit besohet se ishte rreth 80 milionë euro, sipas mediave britanike.

Brightonit ua refuzoi Arsenalit dhe Chelseat ofertat për 21-vjeçarin javën e kaluar.

Caicedo e kishte njoftuar Brightonin në një letër të hapur se donte të largohej, por klubi iu përgjigj duke i dhënë pushim deri në mbylljen e afatit kalimtar të martën.

“(Kryetari i Brightonit) Tony Bloom e di shumë mirë mendimin tim. Ne e humbëm Leandro Trossardin dhe nëse e humbim edhe Caicedon do të jetë problem për neve nëse duam të luftojmë për Evropë”, tha trajneri De Zerbi të dielën.

“Nëse nuk e humbim Caicedon jemi të gatshëm të luftojmë”, shtoi ai.