Anglia e publikon listën për Botëror, Maddison, Wilson dhe Rashford ia dalin

Mesfushori i Leicester City James Maddison është thirrur nga Gareth Southgate në listën prej 26 futbollistëve të Anglisë për Kupën e Botës në Katar.

Trajneri Southgate i ka ftuar edhe sulmuesin e Manchester Unitedit Marcus Rashford dhe atë të Newcastle Unitedit Callum Wilson, si dhe mbrojtësit Trent Alexander-Arnold të Liverpoolit, Ben White të Arsenalit dhe Kyle Walker të Manchester Cityt.

As Maddison e as Wilson nuk kanë luajtur për Anglinë që prej vitit 2019, por forma e tyre në vitet e fundit e sidomos këtë sezon, e kanë shtyrë trajnerin t’i marrë ata në Katar.

Por Fikayo Tomori i Milanit është lënë jashtë listës bashkë me sulmuesin e Brentfordit Ivan Toney dhe atë të West Hamit Jarrod Bowen.

Anglia përballet me Iranin në ndeshjen hapëse të saj në Kupën e Botës më 21 nëntor, në orën 14:00.

Pjesë e Grupit B të saj janë edhe Shtetet e Bashkuara e Uellsi.

Mesfushori i Manchester City, Kalvin Phillips, edhe pse së fundmi u rikthye nga një lëndim i dymujor i gjatë, është thirrur, bashkë me Harry Maguire, i cili ka luajtur shumë pak për Manchester Unitedin këtë sezon.

Skuadra e Anglisë

Portierë: Jordan Pickford (Everton), Nick Pope (Newcastle), Aaron Ramsdale (Arsenal)

Mbrojtës: Harry Maguire (Manchester United), Luke Shaw (Manchester United), Eric Dier (Tottenham), John Stones (Manchester City), Kyle Walker (Manchester City), Kieran Trippier (Newcastle), Conor Coady (Everton), Ben White (Arsenal), Trent Alexander-Arnold (Liverpool)

Mesfushorë: Jude Bellingham (Borussia Dortmund), Mason Mount (Chelsea), Conor Gallagher (Chelsea), Declan Rice (West Ham), Jordan Henderson (Liverpool), Kalvin Phillips (Manchester City)

Sulmues: James Maddison (Leicester), Phil Foden (Manchester City), Jack Grealish (Manchester City), Harry Kane (Tottenham), Bukayo Saka (Arsenal), Raheem Sterling (Chelsea), Callum Wilson (Newcastle), Marcus Rashford (Manchester United)