Angazhimi i Messit në PSG vihet në pikëpyetje – “Sa herë që ka një ditë pushimi, ai shkon në Barcelonë”
Ylli argjentinas, Lionel Messi, po përballet me kritika të vazhdueshme dhe tani është ish-ylli francez, Jerome Rothen, që thotë se vizitat e shpeshta në Barcelonë të 35-vjeçarit e vënë në dyshim angazhimin e tij për Paris Saint-Germain.
Shtatë herë fituesi i Topit të Artë mbërriti në Parkun e Princave në verën e vitit 2021 me shumë bujë, por marrëdhënia e tij me një bazë tifozësh të pasionuar në Francë është acaruar kohët e fundit. Messi ka regjistruar 18 gola dhe 17 asistime këtë sezon, ndërsa shijon lavdinë e Kupës së Botës me Argjentinën. Por ai nuk ka performuar gjithmonë në mënyrën më të mirë të tij për Paris Saint-Germain dhe ka refuzuar të ndërpresë lidhjet me Barcelonën, pasi shtohen spekulimet në lidhje me një rikthim të mundshëm drejt Camp Nous si lojtar i lirë në fund të sezonit.
Ish-ylli i PSG-së Rothen i ka thënë për RMC Sport: “Leo Messi përfaqëson futbollin, gjithçka që dua në futboll. Ai ka shënuar historinë e futbollit, ai është ndoshta është më i madhi i të gjitha kohërave. Por ne jemi jashtëzakonisht të zhgënjyer me kontributin e tij gjatë dy sezoneve të tij në PSG. Nuk po flas as për paraqitjen e tij në fushë, por thjesht për të mbrojtur klubin në intervista, për të treguar se është i lumtur që jeton në Paris, se ka gjetur vetën. Përkundrazi, ne kemi parë gjithmonë gjëra negative.
.jpeg?format=jpg)
“Sapo ka disa ditë pushimi, ai shkon në Barcelonë. Ai nuk është mësuar kurrë me Parisin, me atë që përfaqëson PSG-ja. Është sigurisht një klub i ri, por një klub që ka një histori dhe është gjithashtu i respektuar. Ju duhet ta vendosni veten në vendin e një lojtari parisien, ai kurrë nuk e ka bërë këtë, kështu që unë e fajësoj atë për këtë.”
Rothen foli gjithashtu për amerikano-jugorin tjetër në futbollin francez, me Neymar një tjetër lojtar i mrekullueshëm që nuk ka përmbushur pritjet: “Nuk mund të themi se Leo Messi e shpëtoi sezonin falë statistikave të tij, aspak. Ne prisnim që ai të ishte aty në ndeshjet e mëdha, si Neymar. Lëreni të ngjitet lart në PSG, veçanërisht në Ligën e Kampionëve. Dhe për këtë, ne pamë që të dy kishin dështuar.”
Paris Saint-Germain tashmë është eliminuar nga Liga e Kampionëve dhe kjo e vë në pikëpyetje qëndrimin e Messit te kampioni francez, për të cilin shumë të interesuar janë Barcelona, skuadrat nga MLS si dhe nga Lindja e Mesme, me skuadrën saudite që ka dërguar ofertë marramendëse në drejtim të tij në ditët e fundit.
