Ancelotti i thotë JO Brazilit: Real Madridi ka besim në mua
Trajneri i Real Madridit, Carlo Ancelotti, ka siguruar sërish se do të qëndrojë te mbretërit deri në fund të kontratës, pasi siç thotë ai, Florentino Perez e përkrahë atë, kështu që do të refuzojë ofertën për të punuar në reprezentacionin e Brazilit.
Trajneri italian është vënë në shënjestër të federatës braziliane të futbollit prej disa muajsh, që kur dështoi në Kupën e Botës 2022 në Katar në krye me Titen.
Pozicioni i tij gjithashtu u vu në dyshim pas një humbjeje të rëndë në gjysmëfinale të Ligës së Kampionëve ndaj Manchester Cityt, duke pësuar me rezultat 4:0 në ndeshjen e dytë dhe duke humbur titullin e La Ligës ndaj rivalëve të Barcelonës.
“Jam takuar dje me Florentino Perez dhe ai po më mbështet, ai ka besim tek unë”, tha Ancelotti në konferencën e sotme për shtyp. “Ne do të vazhdojmë së bashku. Klubi më ka dhënë garanci se do të qëndroj”.
Kur u pyet në mënyrë specifike për Kombëtaren e Brazilit, e cili ka qenë jashtëzakonisht publik në emërimin e Ancelottit si objektivin kryesor, ai e hodhi poshtë këtë mundësi.
“Të gjithë e dinë se jam nën kontratë këtu dhe dua të qëndroj”.
Carlo Ancelotti: “I met with Florentino Pérez yesterday and he’s supporting me, he has confidence in me. We’ll continue together”. 🚨⚪️ #RealMadrid
— Fabrizio Romano (@FabrizioRomano) May 20, 2023
“The club guaranteed to me that I’m gonna stay. Brazil? The whole world knows I’m under contract here and I want to stay”. pic.twitter.com/T7MiklDMMl
Nuk ka qenë një sezon tërësisht i dështuar për Real Madridin dhe trajnerin 63-vjeçar, i cili në fund të fundit fitoi Ligën e Kampionëve vitin e kaluar.
Ai gjithashtu siguroi Kupën e Botës për Klube, Superkupën e UEFA-s dhe Kupën e Mbretit.
