Ancelotti: Bellingham qartësisht lojtari më i mirë në botë
Trajneri i Real Madridit, Carlo Ancelotti, ka thurur lavde për yllin e skuadrës, Jude Bellingham, për të cilin tha se qartësisht është më i miri i botës, në një konferencë për shtyp në prag të ndeshjes kundër Arandinës në Kupë të Mbretit.
Madridi udhëton te skuadra e nivelit të katërt Arandina, të shtunën në 1/16 e finales në përfshirjen e tyre të parë në kompeticionin e këtij viti, pasi ngritën kupën majin e kaluar në Sevilla.
Ancelotti tha se Bellingham - i cili ka shënuar 17 gola në të gjitha garat deri më tani këtë sezon - do të paraqitet si pjesë e një skuadre të fortë të Real Madridit, me Toni Kroos, Aurélien Tchouaméni dhe Vinícius Júnior të vetmit titullarë të rregullt të pushuar.
CIES Football Observatory e ka renditur Bellinghamin si lojtarin më të vlefshëm në futbollin botëror me një çmim të vlerësuar - nëse ai ishte i disponueshëm për transferim - prej 267.5 milionë euro (292 milionë dollarë).
"[Bellingham] po bën shumë mirë," tha Ancelotti, kur u pyet nëse ylli i Anglisë në krye të listës ishte më i miri në botë për momentin. "Ai ka bërë mirë në gjysmën e parë të sezonit. Duke pasur parasysh se i është dashur të përshtatet me klubin tonë, me një kulturë dhe gjuhë të re, ai ka bërë shumë mirë. Për ne, padyshim që ai është më i miri i botës."
Madridi mundi Osasunën 2:1 në finalen e sezonit të kaluar për të ngritur trofeun e tyre të 20-të të Kupës së Mbretit - vetëm Barcelona dhe Athletic Club kanë fituar më shumë.
Kundërshtarët e së shtunës, Arandina, janë vendosur në qytetin Aranda de Duero, në Castile dhe Leon në veri të Spanjës. Ata eliminuan skuadrën e LaLigës Cádiz në raundin e dytë në dhjetor.
