Alonso refuzon ta përjashtojë mundësinë për ta pasuar Kloppin te Liverpooli

Trajneri i Bayern Leverkusen, Xabi Alonso, ka refuzuar ta hedh poshtë mundësinë për ta pasuar Jurgen Klopp te Liverpooli, pasi ky i fundit njoftoi largimin e tij në fund të sezonit.

Gjermani bëri një njoftim shokues të premten se do të largohet nga pozicioni i tij në fund të sezonit, gjë që ka detyruar bordin e të kuqve të kërkojë një fytyrë të freskët për të udhëhequr klubin. Alonso është konsideruar si kandidati më i fortë për të zëvendësuar Klopp duke pasur parasysh sukseset e tij me Bayer Leverkusen këtë sezon. Basku ishte një figurë vendimtare në transformimin e Liverpoolit në mesin e viteve 2000 dhe ishte gjithashtu shtylla e mesfushës së skuadrës së Rafael Benitez që pushtoi Evropën në një natë të paharrueshme në Stamboll në 2005.

Kur Alonso u pyet nëse ai mund të përjashtonte mundësinë që të bëhej trajneri i ardhshëm i Liverpoolit, ai tha: "Kjo është një pyetje e drejtpërdrejtë! Unë nuk kam një përgjigje të drejtpërdrejtë. Jam i lumtur këtu tani, kjo është e sigurt, dhe mendoj vetëm për Leverkusenin."

Për tronditjen e largimit të Klopp, ai shtoi: "Unë u befasova nga njoftimi i Jurgen. Kam respekt të madh për Jurgen dhe Liverpool. Për momentin jam shumë i lumtur këtu dhe po shijoj punën time. Çdo ditë dhe lojë është një sfidë. Ne jemi në një udhëtim intensiv dhe të bukur këtu në Leverkusen."

Alonso është në një udhëtim të bukur me skuadrën gjermane pasi ata kanë luajtur futboll të jashtëzakonshëm dhe janë katër pikë më shumë se Bayern Munich në garën për titull pas 18 ndeshjesh. Ata mbeten të pamposhtur në ligë dhe janë ende gjallë dhe janë duke luajtur në DFB-Pokal. Në skenën kontinentale, Leverkusen kryesoi grupin e tyre në Ligë të Evropës duke ruajtur një rekord të përsosur fitoresh.

Klopp ishte trajneri i fundit që ia mohoi Bayern Munichut titullin e Bundesligës në vitin 2012 kur ai ishte ende me Borussia Dortmund. Alonso është në rrugën e duhur për të bërë atë që bëri Klopp dhe për të thyer dominimin bavarez edhe një herë pas më shumë se një dekade.

Alonso mbetet favorit për të zëvendësuar Klopp, por mund të joshet nga Real Madrid nëse Carlo Ancelotti kërkohet të largohet nga Santiago Bernabeu. Edhe pse italiani nënshkroi një zgjatje kontrate, gjërat mund të ndryshojnë shpejt në kryeqytetin spanjoll nëse Los Blancos përfundojnë pa asnjë trofe në maj.