Alcaraz mposht Tiafoen në trilerin e pesë seteve për të arritur në finale të US Open

Tenisti spanjoll, Carlos Alcaraz, është vetëm një ndeshje larg titullit të parë Grand Slam dhe numrit një në botë në ranglistën ATP, pasi mposhti në gjysmëfinale Frances Tiafoe nga Shtetet e Bashkuara të Amerikës, në pesë sete fantastike, të shtunën e hershme.

Alcaraz, 19 vjeç, do të luajë me norvegjezin Casper Ruud, i cili vazhdoi përpjekjen e tij për të fituar një nga katër titujt e mëdhenj të parë duke mundur Karen Khachanov të Rusisë më herët gjatë ditës së premte.

Numri tre i botës aktualisht, Alcaraz, fitoi me rezultat 6-7 (6-8); 6-3; 6-1; 6-7 (5-7); 6-3 apo 3:2 në sete; ndërsa i pesti në ranglistë, Ruud, fitoi më lehtë 3:1 në sete apo 7-6 (7-5); 6-2; 5-7; 6-2.

Kushdo që triumfon në finalen e së dielës do të bëhet numri një i ri i botës te burrat.

Kjo ndodh edhe për shkak të mungesës së Novak Djokovic në dy Grand Slams këtë vit, për shkak të situatës së tij me vaksinën anti-Covid.

Kampioni nga e diela do të zëvendësojë rusin Daniil Medvedev, i cili humbi në 1/16 në Flushing Meadows, nga Nick Kyrgios, teksa ishte në krye të renditjes ATP.

Tenis / US Open: Nick Kyrgios e shkatërron rusin Daniil Medvedev dhe e rrëzon nga pozita e liderit në renditjen botërore

Alcaraz kthehet në lojë për të triumfuar ndaj Tiafoes

Alcaraz është shpallur prej kohësh si një kampion i mundshëm i Grand Slamit dhe tani është një fitore larg që të bëhet njeriu më i ri që fiton një garë të madhe që nga Rafael Nadal në French Open në vitin 2005.

Adoleshenti e siguroi mundësinë duke ardhur në një tjetër garë epike që tregoi talentin, atletizmin dhe zemrën e tij.

Për ta mposhtur Tiafoen, atij iu deshën më shumë se katër orë dhe katër Match Points. Kjo ishte ndeshja e tretë me radhë ku ai fitoi përmes pesë seteve.

24-vjeçari, synonte të bëhej amerikani i parë që arrin në një finale të US Open që nga Andy Roddick në 2006, duke marrë epërsinë në setin e fundit, pas një gabimi të dyfishtë në servim nga Alcaraz.

Alcaraz nuk e kishte humbur më parë setin e parë në këtë turne, por u kthye në lojë dhe arriti të dalë në epërsi përgjatë katër seteve në 10 prej 12 ndeshjeve të fundit.

Duke u dukur i lodhur në pjesën e fundit të ndeshjes, Tiafoe u rrëzua dy herë në fillim të setit të katërt. Por ai i rikuperoi të dyja pushimet për të ringjallur veten - dhe turmën - më pas shpëtoi një Match Point në 5-4 me një drop shot.

Tiafoe kishte fituar të shtatë tie-breaks e mëparshme që kishte luajtur në Flushing Meadows këtë dy javë - duke barazuar një rekord të vendosur nga Pete Sampras në vitin 2000 - dhe arriti të tetin për të siguruar se do të kishte një set të pestë vendimtar.

Pasi u rikthye nga 2-0, Tiafoe bëri një gabim të dyfishtë për të humbur shërbimin e tij për 3-2 dhe Alcaraz mori kryesimin e ndeshjes, që fund triumfoi 6:3.

Të dy tenistët, si Ruud ashtu edhe Alcaraz, do të tentojnë titullin e parë Grand Slam në karrierë, pasi më herët e gjitha që kishin arritur ishte finalja.

Ndeshja mes 23-vjeçarit dhe 19-vjeçarit në finalen e US Open, zhvillohet të dielën me fillim nga ora 22:00, siç është planifikuar.