Admirohet nga Deco, Barcelona fokusohet te Douglas Luiz
Barcelona e ka bërë prioritet nënshkrimin me mesfushorin e Aston Villas Douglas Luiz për verën tjetër.
Katalunasit po shpresojnë ta huazojnë lojtarin për gjashtë muaj dhe pastaj ta transferojnë përfundimisht, duke i ofruar kontratë për pesë vite, raporton “Sport”.
Gazeta më e njohur katalunase thotë se Luiz është i preferuari i drejtorit sportiv Deco, falë formës së jashtëzakonshme që po kalon nën urdhrat e Unai Emerys.
Deco është duke punuar intensivisht për ta gjetur mesfushorin që i përshtatet stilit të Barcelonës dhe mund ta zëvendësojë Sergio Busquetsin, i cili ka lënë një hapësirë të madhe që s’po arrin ta “mbyllë” Oriol Romeu.
Deco e sheh Luizin si ideali, meqenëse është në nivel të fortë fizik, shumë i mirë me top (88 për qind saktësi në pasime në Premierligë), i mençur taktikisht dhe bën punë të madhe edhe në mbrojtje.
Pastaj mosha e tij, vetëm 25 vjeç është një tjetër favor shtesë. Ai e ka dëshmuar vetën në Evropë, duke luajtur te Girona e që pesë vite po shkëlqen te Aton Villa.
Disa nga analistët e Anglisë e vlerësojnë Luizin si mesfushori më i mirë pranë Rodrit të Manchester Cityt.
Luiz vlerësohet rreth 60 milionë euro, mirëpo drejtori sportiv Monchi mund të kërkojë afro 100 milionë euro pasi lojtari pëlqehet shuëm edhe nga Arsenali.
