AC Milan bën hap pozitiv në garën për top katër, mposht Lazion
AC Milan ka shënuar fitore komode në shtëpi ndaj rivalit direkt për top katër, Lazios, në kuadër të xhiros së 34-të në Serie A.
“Rossonerët” dominuan shumicën e kohës duke triumfuar me rezultat 2:0.
Jo gjithçka nisi mirë për vendasit me Rafael Leaon që u largua nga fusha pas vetëm 11 minutave lojë si pasojë e lëndimit, duke krijuar frikë të tifozët para ndeshjes gjysmëfinale.
Ishte mesfushori Ismael Bennacer që i dha epërsinë Milanit pas 17 minutave lojë, duke shënuar nga një top i kthyer.
Ndërsa, për golin e dytë u përkujdes mbrojtësi Theo Hernandez me një solo aksion nga zona e 16-metërshit dhe në fund shënoi nga distanca (29’).
AC Milan vazhdoi të tentonte duke pasur një mundësi të mirë shënimi me anë të Malick Thiaw, por ky i fundit dështoi të shënonte me kokë nga afërsia.
Lazio provoi disa herë me kundërzbritje mirëpo prapë shumë larg finalizimit me Maignan që nuk u befasua.
Milan në fakt arriti të shënojë edhe një herë me anë të Ante Rebic, por goli pastaj u anulua nga VAR-i për pozitë jashtë loje.
Pas kësaj fitore, Milan ngrihet në pozitën e katërt me 61 pikë derisa Lazio mban vendin e dytë me 64 sosh.
Në xhiron e radhës, AC Milan do të jetë mysafir i Spezias derisa Lazio e pret Leccen
