Zogiani i VV-së i mëshon babait të Memli Krasniqit pas kritikave për Kurtin: Memli vs. Memli
Aktivisti i Vetëvendosjes Avni Zogiani ka kritikuar Milazim Krasniqin për kritikat që ky i fundit duket se i ka bërë ndaj kreut të VV-së, Albin Kurtit.
Zogiani ka ironizuar me z. Krasniqi që duket se kishte folur në një artikull në të cilin kritikohej rizgjedhja e Kurtit kryetar i VV-së pa kundër-kandidat.
“Po pra... duhet t’ketë kundër-kandidat si në rastin e djalit të vet... Memli kundër Memlit!” - u shpreh z. Zogiani.
Memli Krasniqi ishte zgjedhur kryetar i PDK-së më 3 korrik 2021, dhe nuk kishte pasur kundërkandidat.
Nuk dihet nëse z. Milazim Krasniqi kishte kritikuar edhe PDK-në për mungesë të demokracisë së brendshme në lidhje me këtë rast.
