Syla: "Kqyrja Ministres tonë lapsin e bastores... tu i jep urdhna BE's e NATO's"
Po vazhdojnë reagimet ndaj ministres së Punëve të Jashtme të Kosovës, Donika Gërvalla pas deklaratës së saj, ku tha se sulmet në Poloni u shkaktuan nga raketat ruse, pa pasur ndonjë konfirmim për këtë.
Edhe analisti, Valon Syla i është bashkuar këtyre reagimeve, ku ka publikuar një fotografi të Gërvallës e cila shihet me një stilolaps në dorë.
Sipas Sylës, stilolapsi është i ngjashëm me të tillët që përdorën në shtëpitë e basteve (bastore).
“Nje Dreq i madh o hi këtu. Kqyrja Ministres tonë lapsin e bastores... tu i jep urdhna BE's e NATO's.”, ka shkruar Syla në Facebook.
Përveç Sylës edhe analistë të tjerë dhe anëtarë të partive politike opozitare reaguan ndaj deklaratës së kryediplomatës kosovare.
