Më shumë arsye se kurrë për të pasur shpresë në trajtimin kundër kancerit

Qendra e Onkologjisë pranë Acıbadem në Turqi ofron të gjitha metodat e trajtimit të kancerit, duke përfshirë kirurgjinë, radioterapinë dhe terapitë sistemike, të gjitha nën një çati e me një ekip multidisiplinar që u shërben pacientëve nga e gjithë bota.

Kanceri është një nga përvojat më stresuese me të cilat mund të përballet një person. Ai sjell një valë pasigurie, ankthi, mungese shprese dhe tendosjeje emocionale, me të cilën mund të jetë e vështirë për t’u përballuar. Megjithatë, sot ka më shumë arsye se kurrë për të pasur shpresë. Teknikat kirurgjikale janë bërë më të sakta, trajtimet sistemike si kimioterapia dhe imunoterapia janë gjerësisht të disponueshme, dhe përparimet në radioterapi kanë zgjeruar mundësitë e trajtimit.

Një vështrim më i afërt ndaj terapive sistemike

Kanceri është një sëmundje e karakterizuar nga rritja e pakontrolluar e qelizave në trup. Mund të fillojë në çdo pjesë të trupit, dhe trajtimi kundër kancerit synon të shkatërrojë këto qeliza anormale. Ndërsa për disa lloje kanceri, vetëm kirurgjia mund të ofrojë një kurë, për të tjerë kërkohen terapi sistemike si kimioterapia, imunoterapia, trajtimet e synuara dhe terapia me hormone. Këto trajtime mund të përdoren para operacionit për të zvogëluar tumorin, ose pas operacionit për të ndihmuar në parandalimin e përsëritjes së tij. Ato gjithashtu mund të kombinohen me radioterapi. Përveç kësaj, trajtimet sistemike ndonjëherë përdoren për të menaxhuar kancerin e fazës së katërt, për të lehtësuar simptomat, për të rritur shkallën e mbijetesës dhe për të përmirësuar cilësinë e jetës së pacientëve.

• Kimioterapia synon qelizat që rriten dhe ndahen me shpejtësi dhe i shkatërron ato. Mund të përdoret për të trajtuar kancerin e gjirit, kancerin e mushkërive dhe kanceret gastrointestinale, siç është kanceri i stomakut dhe ai i zorrës së trashë.
• Imunoterapia rrit aftësinë e qelizave imunitare për të sulmuar qelizat kancerogjene. Mund të përdoret në kancerin e mushkërive, melanomat dhe kanceret gjenitale dhe sistemit urinar.
• Terapia e synuar sulmon anomali specifike brenda qelizave kancerogjene për t’i shkatërruar ato ose për të penguar rritjen e tyre. Përdoret zakonisht për të trajtuar kancerin e gjirit, kancerin e mushkërive dhe kancerin e prostatës.
• Terapia me hormone përdoret për të trajtuar disa lloje kanceri që varen nga hormonet e rritjes, siç janë kanceri i prostatës dhe kanceri i gjirit.

Bordet e tumoreve përmirësojnë shkallën e suksesit në trajtimin kundër kancerit

Bordet e tumoreve luajnë një rol jetësor në trajtimin dhe ndjekjen e pacientëve me kancer. Në një bord për tumoret, mblidhen së bashku onkologë, radioterapeutë, kirurgë, radiologë, patologë, specialistë të mjekësisë nukleare dhe, në varësi të rastit, ekspertë të tjerë përkatës, për të shqyrtuar dosjen mjekësore të pacientit dhe për të vendosur për planin e trajtimit më të përshtatshëm. Në Acıbadem, funksionojnë borde të tumoreve të specializuara për kancerin e gjirit, kanceret gastrointestinale, kanceret urologjike, kancerin e mushkërive, kanceret gjinekologjike dhe më shumë. Studimet kanë treguar se vendimet e marra në bordet e tumoreve çojnë në rezultate më të mira për pacientët.

Historia e suksesit të pacientes: lufta kundër tumorit të gjirit

Historia e një pacienteje të vërtetë mund t’i motivoje pacientet e tjera të përballen me situata të ngjashme, duke treguar se si planifikimi i kujdesshëm i trajtimit mund të përmirësojë rezultatet.

Një grua e re nga Shqipëria u diagnostikua me kancer në gji menjëherë pas lindjes. Kjo situatë na rikujton se jeta mund të sjellë sfida të papritura ashtu edhe bekime. Duke ndjekur rekomandimin e miqve të saj, ajo erdhi për trajtim në Acıbadem. Në Stamboll, ajo u takua me kirurgun e gjirit Prof. Cihan Uras dhe onkologen Prof. Özlem Er, të cilët e udhëhoqën atë gjatë procesit të trajtimit.

Së pari, tumori u hoq duke përdorur një operacion për ruajtjen e gjirit, i cili beri të mundur ruajtjen e gjirit. Pas operacionit, u aplikua kimioterapia për t’u siguruar që tumori të eliminohej plotësisht dhe për të parandaluar rikthimin e tij.

Sot, dy vjet pas përfundimit të trajtimit të saj, ajo është shumë mirë. Ajo po rrit fëmijën e saj dhe gëzon shëndet të mirë. Kjo është një histori që ia vlen të mbahet mend.

Tri rekomandimet kryesore të një eksperti

Prof. Dr. Özlem Er, është një nga specialistet kryesore të onkologjisë në Turqi, me mbi 20 vjet përvojë në trajtimin e kancerit, e që ka trajtuar mijëra pacientë. Ajo ndan disa sugjerime të rëndësishme për pacientët:

• Kanceri është i zakonshëm në të gjithë botën, veçanërisht te njerëzit e moshuar, por mund të shfaqet edhe te pacientët e rinj. Nëse përjetoni simptoma të tilla si një masë në gji (për kancerin e gjirit), një kollë e vazhdueshme (për kancerin e mushkërive) ose ndryshime në jashtëqitje (për kancerin e zorrës së trashë), duhet të jeni vigjilentë dhe të konsultoheni me një mjek.
• Ju lutemi mos supozoni se, “Nuk ka kancer në familjen time” ose “Nuk kam simptoma të tjera, vetëm një masë në gji”. Mund të jetë një shenjë e kancerit ose mund të jetë e padëmshme, por gjithmonë duhet të vlerësohet siç duhet nga një mjek.
• Kanceri është një sëmundje e trajtueshme dhe shpesh e shërueshme. Ekzistojnë shumë trajtime në dispozicion për kancerin, duke përfshirë kirurgjinë, radioterapinë, kimioterapinë, terapinë me hormone, imunoterapinë dhe terapitë e synuara. Shanset e mbijetesës për pacientët me kancer po rriten, dhe ata mund të kenë një cilësi jetese shumë të mirë.

*Artikull i sponsorizuar!