Matoshi: Kryeministër, ndale represionin ndaj mësuesve

Gazetari Halil Matoshi ka bërë një postim në profilin e tij në Facebook në të cilin ka kritikuar Qeverinë e Kosovës për veprimet e saj ndaj mësimdhënësve grevistë të vendit.

Matoshi e ka quajtur “represion” veprimin e Qeverisë së Kosovës për mos-ekzekutimin e pagave të muait shtator.

“Qeveria Kurti II ka nis një fushatë represive të paparë verbale e administrative (kundërkushtetuese) ndaj mësuesve – duke ua ndalë pagat e shtatorit në mënyrë selektive – dhe me këtë po nxit trazira.” - ka shkruar z. Matoshi.

Gazetari ka sqaruar edhe problemet ligjore të këtij vendimi të Qeverisë Kurti II.

“Punëdhanësi në rastin e arsimtarëve nuk asht Qeveria dhe nuk i ka vartës Sindikatat dhe as arsimin nepër komuna, sepse me decentralizimin e pushtetit në sferën e arsimit primar e të mesëm, kompetencat janë bartur te komuna.” – ka thënë z. Matoshi.

Ai iu ka bërë thirrje mësimdhënësve që ta padisin shtetin.

Statusi i plotë:

Kryeministër, ndale represionin ndaj mësuesve!

1.

Pezullimi i detyrimeve sipas Kontratës së punës asht masë e përkohshme - simas Ligjit për grevat - dhe nuk i përket Qeverisë.

Qeveria Kurti 2 ka nisë nji fushatë represive të papamë verbale e administrative (kundërkushtetuese) ndaj mësuesve - duke ua ndalë pagat e shtatorit në mënyrë selektive - dhe me këtë po nxit trazira.

2.

Ndëshkimi i punëtotëve për grevë të ligjshme ndalohet me Kushtetutë (Neni 44 [Liria e Asociimit], pika 2. Liria për të themeluar sindikata dhe për t’u organizuar, me qëllim që të mbrohen interesat, është e garantuar. Kufizimi i kësaj të drejte mund të bëhet me ligj për kategori të veçanta të punonjësve; dhe Ligjin për grevat, Neni 13: Mbrojtja e të drejtave të punësuarve gjatë grevës: 1. Për organizuesit e grevës, pjesëmarrësve grevistë dhe ndaj të punësuarve të tjerë, të cilët mbështesin grevën, nuk mund të merren masa disiplinore apo materiale dhe nuk mund t’ju ndërpritet marrëdhënia e punës.

3.

Ndëshkimi i grevistëve në asnji rrethanë nuk guxon të jetë kolektiv. Secili vendim individual duhet të arsyetohet nga organi administrativ komunal - që në sistemin tonë asht inspektorati.

4.

Punëdhanësi në rastin e arsimtarëve nuk asht Qeveria dhe nuk i ka vartës Sindikatat dhe as arsimin nepër komuna, sepse me decentralizimin e pushtetit në sferën e arsimit primar e të mesëm, kompetencat janë bartur te komuna.

(Këtë e ka sqaru gjyqësia kushtetuese në rastin e Dardanës/Qëndron Kastrati);

5.

Pra, Qeveria nuk asht punëdhanësi i arsimtarëve e mësuesve nëpër komuna.

6.

Për pasojë, as nuk mund të

marrë masa ndëshkuese ndaj tyne. Sëkëndejmi mësuesit e fitojnë gjyqin pa asnji diskutim

7.

Duhet ta padisin shtetin.

Dhe pagën e tyne do ta marrin herdokur!

100%.