Kurti tha se takimi me SBAShK-un e prish rregullin e shtetit, Osmani pas pak e pret Jasharajn në Presidencë
Para disa ore, kryeministri Albin Kurti lëshoi një breshëri akuzash ndaj SBAShK-ut, duke i cilësuar kërkesat e tyre si absurde, irracionale, e të papërgjegshme.
Madje, Kurti deklaroi se grevat po rrënojnë shtetit, teksa tha se nuk do të takohet me SBAShK-un pasi që është takuar me BSPK-në, duke u arsyetuar se ka një rregullsi në shtet.
“Unë kam takuar disa herë kreun e BSPK-së, z.Atdhe Hykollin. Ndërsa ministrat e mi kanë takuar degët sindikale të BSPK-së. Nëse duam shtet duhet të ketë rregullsi. Unë s’dua të kapërcej kreun e BSPK-së e të takojë liderë të degëve sindikale, sepse ashtu ska rregullsi”, theksoi Kurti.
Por, presidentja Vjosa Osmani i ka ftuar në takim me krerët e SBASHK-ut, po ashtu BSPK-në.
Në ora 15:00 do të fillojë takimi, teksa zonja Osmani po synon të luaj rolin e saj unifikues, ashtu siç edhe është e paraparë me Kushtetutë.