Vrasja e dy vëllezërve në Malishevë, i dyshuar ende në arrati: Çka dihet deri tash?

Një vrasje e dyfishtë sot në Malishevë e ka tronditur Kosovën.

Dy vëllezër të moshës madhore janë vrarë me armë zjarri në fshatin Gullubovc të të Malishevës.

Ajo që dihet deri me tani është së i dyshuari kryesor është dhëndri i dy viktimave.

Kryeprokurori i Prokurorisë Themelore në Gjakovë, Enis Gashi, ka bërë me dije se i dyshuari për vrasjen e dyfishtë gjendet ende në arrati.

“Sikurse jeni njoftuar deri më tani kemi të bëjmë me një vrasje të rënd, vrasje të dyfishtë ku kemi të bëjmë me dy viktima. Kryesi i kësaj vepre penale është ende në arrati dhe policia së bashku me prokurorinë është duke ndërmarrë të gjitha masat që sa më shpejt të identifikohet dhe të sigurohet prezenca e tij”, ka thënë Gashi.

Ai nuk ka dhënë shumë detaje për lidhjet familjare.

“Tani për tani nuk mund të japim këto informata, sepse duhet të bëhet verifikimi i këtyre informatave pastaj të dalim me një njoftim zyrtar, me qëllim që të jenë informatat më ta sakta.”, ka thënë ai, duke treguar se viktimat dhe i dyshuari kanë lidhje familjare.

Prokurori Gashi ka thënë se ende është herët të flitet për motivet e kësaj vrasje.

“Në mes vete kanë raporte familjare, por motivi ende nuk e dimë saktësisht. Kështu që, pasi t`i marrin të dhënat tjera më të sakta, atëherë do të dalim me një komunat zyrtare”, ka thënë Gashi.

Kurse, pas ndodhjes së rastit, zëdhënës i policisë për rajonin e Gjakovës, Sheremet Elezi, ka thënë për Nacionalen se motivi i kësaj vrasje të dyfishtë dyshohet të jetë një fjalosje paraprake.

Ai ka treguar se motivi i kësaj vrasje të dyfishtë dyshohet të jetë një fjalosje paraprake.

“Është një vrasje e dyfishtë, viktimat janë dy vëllezër. I dyshuari është dhëndër i tyre. I njohur për Policinë, nga një fshat në Drenas, për momentin është në kërkim. Arma është gjetur në vendin e ngjarjes. Motivi dyshohet për një fjalosje mes tyre”, ka thënë Graishta.

Të afërmit e viktimave kanë treguar se të dy vëllezërit kishin ardhur nga mërgimi për të marrë pjesë në varrimin e babait të tyre.

Sipas tij, vrasja ka ndodhur në hyrje të oborrit derisa vinin ende njerëz për ngushëllime.

“E pamja ishte kryer para tre ditësh, por ende vinin njerëz për me ngushëllu. Ai erdhi për me e marrë gruan, u kthye dhe i vrau në prag të shtëpisë. Kjo ta këputë shpirt. Edhe babën para pak ditësh e kemi pas varrosë,” ka thënë një i afërm i familjes për portalin “Sinjalin”.