Vlora Çitaku: Kryeministri Kurti jeton në deluzion
Nënkryetarja e Partisë Demokratike të Kosovës, Vlora Çitaku, ka komentuar rreth deklaratave të kryeministrit Kurti në Kuvend, i cili i tha opozitës që kundërshtimet për Asociacionet t’ia shprehin emisarëve Escobar e Lajçak.
Çitaku tha se kryeministri Kurti e përfaqëson Kosovën në dialogun me Serbinë, dhe jo opozita.
“Kryeministri jeton në deluzion, Escobari e as Lajçaku nuk negociojnë me neve, as për marrëveshjen finale e as për Asociacionin. Kryeministri i Kosovës e përfaqëson Kosovën. Ne nuk negociojmë në emër të Kosovës. Kurti opozitën e trajton si palë negociuese. Ato kushte ai duhet t’ua thotë ndërmjetësve”, - tha ajo në T7.
Çitaku tha se PDK-ja e mbështet një marrëveshje gjithëprfshirëse me njohjen reciproke në qendër.
Ajo tha më tej se Kurti duhet të marrë përgjegjësi pasi ka marrë përkrahje të mëdha në zgjedhjet e fundit.
”Nëse Kurti pret që të suspendojmë raportet me aleatët gabohet, ne nuk jemi VV”, - tha Çitaku.
