Vajza e Calit: Sa e rëndë do të ishte sikur Adem Jashari e heronjtë e tjerë ta kuptonin se shokët po u gjykohen padrejtësisht
Vajza e Salih Mustafës, Buna, ka reaguar pasi Gjykata e Apelit në Speciale e la për 22 vjet në burg Calin.
Buna, ka shkruar se do të ishte e rëndë sikur Adem Jashari, Zahir Pajaziti, Bahri Fazliu e heronjë të tjerë ta kuptonin se shokët e tyre të idealit po gjykohen padrejtësisht, e po përballen me burgje të padrejta.
E plotë:
Si fëmi i kam lexu poezitë e xhaxhit Bahri gjatë pushimeve. E sot si studente po i rilexoj poezitë e tij gjatë pauzave për me e taku e me përqafu babin në vizitën e pasditës në Hagë.
E qysh me i tregu xhaxhit Bahri, hero i kombit, se bashkëveprimtari e bashkëluftëtari i tij po gjykohet padrejtësisht për luftën e pastër që e bënë krah për krah? E qysh me i tregu xhaxhit Bahri që shoku i tij i ngushtë po vuan dënim në burgjet e Hagës? Sa e rëndë do ishte që heronjtë tanë, Fahri Fazliu, Afrim Zhitia, Adem Jashari, Zahir Pajaziti, Bahri Fazliu, Agron Rrahmani, Ilir Konushevci, Isa Kastrati e Sokol Sopi ta kuptonin se bashkëluftëtarin e tyre po e përulin e historinë tonë të pastër, të drejtë, e të larë me gjakun e të rinjve tanë po e shtrembërojnë aq shumë saqë nuk po mundemi të njohim as vetveten.
