Trupi i pajetë që u gjet në Mitrovicë: Arrestohet një i dyshuar për vrasje të rëndë

Një trup i pajetë ishte gjetur me datën para dy ditësh në Mitrovicë.

E për këtë rast, pas hetimeve, është arrestuar një i dyshuar për veprën penale vrasje e rëndë.

Lajmin e ka bërë të ditur Policia e Kosovës, duke shtuar se vetura e viktimës është gjetur në posedim te i dyshuari.

Njoftimi:

Arrestohet një person i dyshuar për veprën penale vrasje e rëndë

Mitrovicë, 14 gusht 2023

Me 12.08.2023, rreth orës 17:15 është raportuar se në rrugën e UÇK -së, në Mitrovicën e Jugut, një person është gjetur një person pa shenja jete. Në vendin e ngjarjes është identifikuar se peroni i pajetë është viktima S. M., 65 vjeçar. Fillimisht rasti është kualifikuar si vdekje e dyshimtë, prokuroi i rastit ka urdhëruar që trupit të viktimës t’ i bëhet autopsia në Institutin e Mjekësisë Ligjore (IML).

Si rrjedhojë e hetimeve intensive nga ana e hetuesve të Sektorit Rajonal, me datën 13 gusht 2023, mbi dyshime të bazuara për përfshirje në rast është identifikuar dhe arrestuar personi i dyshuar Xh. N., 43 vjeçar, shtetas i Republikës së Kosovës. Lidhur me rasti në cilësi të provës materiale është konfiskuar vetura e viktimës e cila është gjetur në posedim te i dyshuari.

Me aktvendim të prokurorit, të dyshuarit i është caktuar masa e ndalimit për 48 orë. Ndërsa, rasti nga vdekje e dyshimtë është ri-kualifikuar në veprën penale “vrasje e rëndë”