Tri raste të dhunës në familje për 24 orë në Kosovë
Gjatë 24 orëve të fundit janë raportuar tri raste të dhunës në familje në Kosovë.
Siç bën të ditur Policia e Kosovës në raportin 24 orësh, një rast ka ndodhur në Shtime, Deçan dhe në një Mitrovicë.
Raportet e plota nga këto raste:
DHUNË NË FAMILJE & LËNDIM TRUPOR
Shtime 13.05.2023 – 15:30. Është arrestuar i dyshuari mashkull kosovar nën dyshimin se pas një mosmarrëveshje ka sulmuar fizikisht viktimën mashkull kosovar, me ç’rast i ka shkaktuar lëndime trupore. Viktimës iu është ofruar tretman mjekësor. Me vendim të prokurorit i dyshuari pas intervistimit është dërguar në mbajtje.
DHUNË NË FAMILJE
Deçan 13.05.2023 – 17:00. Është arrestuar i dyshuari mashkull kosovar i mitur nën dyshimin se pas një mosmarrëveshje që kishte me prindërit e tij, pasi që iu kishte kërkuar para e ka goditur nënën e tij në dorë. Në lidhje me rastin është konsultuar prokurori i shtetit, me vendim të së cilit i dyshuari është dërguar në mbajtje për 24 orë.
DHUNË NË FAMILJJE
Mitrovicë 13.05.2023 – 22:38. Është arrestuar i dyshuari mashkull kosovar nën dyshimin se pas një mosmarrëveshje ka sulmuar fizikisht bashkëshorten e tij, viktimën femër kosovare. Në lidhje me rastin është konsultuar prokurori i shtetit i cili ka rekomanduar që pas intervistimit i dyshuari të lirohet dhe rasti të procedohet në procedurë të rregullt.
