Të martën Parlamenti Evropian do të diskutojë për situatën në veri
Shtetet e Bashkuara të Amerikës dhe Bashkimi Evropian kanë dënuar sulmin terrorist ndaj Policisë së Kosovës në Banjskë të Zveçanit, ku mbeti i vrarë zyrtari policor, Afrim Bunjaku.
Të martën për tensionet në veri do të diskutohet në Parlamentin Evropian.
“Në dy raporte të veçanta në maj, deputetët i kanë bërë thirrje Kosovës dhe Serbisë që të angazhohen në dialogun e lehtësuar nga Bashkimit Evropian dhe të sigurojnë pa vonesë një marrëveshje gjithëpërfshirëse ligjërisht të detyrueshme për normalizimin e marrëdhënieve bazuar në parimin e njohjes reciproke”, thuhet në njoftim.
