Szunyogu viziton kryetar Pecin në fshatin Lipë, flamuri i Kosovës i ngjitur për muri me ngjitës
Ambasadori i BE-së në Kosovë, Tomas Szunyog ka vizituar sot kryetarin e komunës së Zveçanit, z. Ilir Peci, në zyren e tij të përkohshme në fshatin Lipë.
Ambasadori ka deklaruar se me Pecin i kanë diskutuar “sfidat me të cilat ata përballen në ofrimin e shërbimeve komunale për popullatën lokale.”
Po ashtu, shefi i Zyres së BE-së në Kosovë, ka deklaruar që i ka shprehur vlerësimin e tij kontributit të kryetar Pecit për deeskalimin e situatës në veri të Kosovës.
Kujtojmë se Ilir Peci i Zveçanit bashkë me Izmir Zeqirin e Zubin Potokut janë nga PDK-ja. Në anën tjetër, Erden Atiqi i Mitrovicës së Veriut dhe Lulzim Hetemi i vetëngujuar i Leposaviqit janë nga VV-ja.
BE-ja ka shprehur preferencën që këta kryetarë shqiptarë komunash në komunat veriore me shumicë serbe të japin dorëheqje.
Qeveria e vendit ndërkohë ka nisur hapat ligjorë për largimin e tyre me anë të një peticioni.
Ajo që vihet re në fotografitë e ndara është se në zyre flamuri i Kosovës është kapur me disa ngjitës.
Postimi:
Met today with Zvecan/Zveqan mayor Ilir Peci in his provisional office in Lipa village. Discussed the challenges they face in providing municipal services to the local population.
— Ambassador Tomáš Szunyog (@EUAmbKS) August 3, 2023
Expressed my appreciation for the mayor's contribution towards de-escalation in northern Kosovo. pic.twitter.com/FmDENV9nFi
