Sulmet brutale të pushtetit përmes videove ndaj Prokurorisë, opozita: Këto janë veprime neveritëse dhe totalitare
Ministria e Drejtësisë, Albulena Haxhiu përmes një video ka akuzuar Prokurorinë Speciale se nuk po merret me ata që kanë shkelur ligjin, sipas saj auditori i brendshëm i Ministrisë së Drejtësisë ka gjetur keqpërdorim në dhënien e një prone në Vushtrri të një person fizik.
“Në vitin 2020, ish ministri i Drejtësisë dhe ish-drejtroi i burgjeve kishin dhënë pronën publike prej 2 hektarësh e 12 metra në shfrytëzim për 10 vite për person fizik. Sapo e kuptuam kërkuam nga auditori i ministrisë së Drejtësisë që ta auditojë procesin se si është dhënë prona publike në shfrytëizm te një person fizik, nga të gjeturat e auditorit kemi gjetur se kontrata është lidhur pa asnjë bazë kushtetuese dhe ligjore mes personit fizik dhe ish-zyrtarëve.” – ka thënë ajo.
Njëjtë si Haxhiu, ka vepruar dje ministri i Bujqësisë, Faton Peci, përmes një video është paraqitur pranë një objekti të njohur në lagjen Ulpiana në Prishtinë, duke pretenduar se objekti në fjalë, i cili është ngjitur me selinë kryesore të AAK-së, është tjetërsuar në pronë private.
Madje, Peci ka thënë se ky është objekti i Institutit Bujqësore të Kosovës dhe se këtë gjë e ka paditur një vite më parë, duke i ofruar Prokurorisë së Shtetit provat e mjaftueshme, mirëpo sipas tij nuk është marrë asnjë veprim.
Sulmet brutale të pushtetit ndaj Prokurorisë, ka sjellë një serë reagimesh nga opozita.
Nënkryetarja e Partisë Demokratike të Kosovës, Vlora Çitaku, ka kritikuar ashpër ministren e Drejtësisë, Albulena Haxhiu, duke thënë se veprimi i ministres ishte shqetësues e totalitar.
Në profilin e saj në “Facebook”, ajo ka shkruar se ministrja Haxhiu nuk e ka idenë për peshën e pozitës që mban.
“Neveritëse. Shqetësuese. Totalitare. Si duket Ministrja e Drejtësisë nuk e ka idenë për peshën e pozitës që mbanë përkohësisht.” - ka shkruar Çitaku.
Ndaj akuzave të pushtetit në drejtim të Prokurorisë, ka reaguar edhe anëtarja e Kryesisë së Lidhjes Demokratike të Kosovës, Jehona Lushaku-Sadriu, ku ka shkruar se në këtë mënyrë Qeveria po e cenon rendin kushtetues demokratik të Kosovës.
Sipas saj, më anë të këtyre videove Qeveria po harxhon energji duke bërë propagandë.
“E humbur në mes të skandaleve, sot qeveria paska vendosur t’a godet prokurorinë me video propagandizuese. Çka të thuhet për një: Qeveri që po rrezikon rendin demokratik të vendit-ndarjen e pushteteve!; Qeveri që angazhimin dhe energjine e saj e përdor veq në PROPAGANDË e KRIZA për të mbijetuar; Qeveri që në vend të rezultateve servon KORRUPSION, ARROGANCË e PAAFTËSI për zgjidhje problemesh; Qeveri që nuk ka realizuar as gjysmën e aktiviteteve të parapara. Në shërbim të kujt ështe Qeveria Kurti? Në shërbim të qytetarëve e shtetit të Kosovës, JO!”, ka shkruar Lushaku-Sadriu.
