Sot pasdite: Rezoluta për Srebrenicën në Asamblenë e Përgjithshme të OKB-së

Në Asamblenë e Përgjithshme të Kombeve të Bashkuara votohet sot për propozim-rezolutën për gjenocidin në Srebrenicë.

Rezoluta që propozon 11 korrikun si Ditë Ndërkombëtare të Viktimave të Gjenocidit në Srebrenicë dhe dënonon mohimin e gjenocidit, është sponzorizuar nga 30 shtete.

Debate rreth rezolutës fillon sot në orën 16:00, shkruan rel.

Propozueset zyrtare të saj ishin Gjermania dhe Ruanda.

Rezolutën deri tani e kanë mbështetur të gjitha vendet e Ballkanit Perëndimor, përvec Serbisë dhe Republikës Sërpska.

Në korrik të vitit 1995, forcat serbe të Bosnjës vranë mbi 8.000 burra dhe djem myslimanë në Srebrenicë.

Për gjenocidin e kryer u dënuan më shumë se 50 persona me rreth 700 vjet burg.

Në mesin e tyre janë edhe presidenti i kohës së luftës i Republikës Sërpska, Radovan Karaxhiq, dhe komandanti i përgjithshëm i ushtrisë së atëhershme serbe, Ratko Mlladiq.

Të dy ata u dënuan me burgim të përjetshëm.

Gjykata Ndërkombëtare e Drejtësisë në Hagë e karakterizoi krimin në Srebrenicë si gjenocid në vitin 2007./rel