“S’ka Asociacion për sa kohë Serbia e shkel marrëveshjen”: Konjufca kërkon nënshkrim të marrëveshjes

Kryetari i Kuvendit të Kosovës, Glauk Konjufca, ka thënë se themelimi i Asociacionit të Komunave të banuara me shumicë serbe “nuk është parim” teksa la të kuptojë se për sa kohë Serbia nuk e nënshkruan bilateralisht marrëveshjen me Kosovën s’do të ketë as zbatim të tij.

“Marrëveshja Bazike fillimisht të nënshkruhet dhe më pas të zbatohet. Ama të zbatohet prej parimeve jo prej datave. Parimet nuk kanë data”, ka thënë Konjufca, siç e shpërndau një video të shkurtër Lëvizja Vetëvendosje.