Shefi i BE-së takohet me peshkopin Teodosije, flasin për zbatimin e vendimit për Manastirin e Deçanit

Shefi i BE-së në Kosovë, Tomas Szunyog, ka takuar peshkopin Teodosije.

Në njoftimin e tij në rrjetin social "X", Szunyog ka bërë të ditur se kanë biseduar për çështje të Kishës Ortodokse serb në Kosovë.

Në takim është diskutuar edhe zbatimi i vendimit për Manastrin e Deçanit.

“Gëzohem që sot takova peshkopin Teodosije me të cilin bisedova për çështjet që kanë të bëjnë me Kishën Ortodokse Serbe në Kosovë, përfshirë zbatimin e vendimit të Manastirit të Deçanit”, ka shkruar ai në X.

Kujtojmë se javë më parë, kryeministri i Kosovës, Albin Kurti, ka kërkuar që të zbatohet vendimi i Gjykatës Kushtetuese për Manastrin e Deçanit.