ShBA: Më shumë se 30 mijë luftëtarë të Wagner janë plagosur ose vrarë në Ukrainë
Qeveria amerikane vlerëson se kompania private ushtarake Wagner Group ka pësuar më shumë se 30 mijë viktima, duke përfshirë afërsisht 9 mijë luftëtarë të vrarë, që nga pushtimi rus i Ukrainës, raporton CNN.
Rreth gjysma e atyre 9 mijë janë vrarë që nga mesi i dhjetorit, tha zëdhënësi i Këshillit të Sigurisë Kombëtare të SHBA, John Kirby. Dhe rreth 90 për qind e të vrarëve në dhjetor u rekrutuan nga burgjet ruse.
Grupi është mbështetur shumë te të dënuarit për të plotësuar radhët e tij.
"Kjo nuk tregon asnjë shenjë pakësimi," tha Kirby të premten, megjithëse udhëheqësi i Wagner, Yevgeny Prigozhin pretendoi javën e kaluar se ai nuk do të rekrutonte më nga burgjet.
"Ata po i trajtojnë rekrutët e tyre, kryesisht të dënuarit, në thelb si mish për top, duke i hedhur në një mulli mishi këtu, në mënyra çnjerëzore pa u menduar." - tha Kirby.
