Selimi flet për kritikën e Gërvallës ndaj Lajçakut: Edhe një kthesë në deklaratat e Qeverisë
Petrit Selimi, ish-zëvendësministër i Punëve të Jashtme, ka komentuar kritikat e Donika Gërvallës, ministre e Punëve të Jashtme dhe Diasporës, ndaj Miroslav Lajçakut, i dërguar i posaçëm i BE-së për dialogun mes Kosovës e Serbisë.
Duke e shpërndarë shkrimin e Nacionale, Selimi e ka quajtur një kthesë tjetër në deklaratat e Gërvallës.
“Një tjetër kthesë në deklaratat e qeverisë sonë. Qeveria e Kosovës tani e quan Lajçakun një njeri "pa strategji apo vizion", punën e tij "një dështim" dhe se statuti i ASMM ka nevojë për "përmirësim të konsiderueshëm". Ministrja e Jashtme e Kosovës mendon se BE-ja "ka vlerësim të gabuar për Kosovën"” – shkroi ai në “X”.
Yet another twist & turn in our gov's statements. Kosovo gov now calling Lajcak a man "with no strategy or vision", his work "a failure" and that the ASMM statute needs "significant improving". Kosovo FM also thinks EU "has wrong assessment about Kosovo" https://t.co/uArKcRPkP9
— Petrit Selimi (@Petrit) January 19, 2024
