Seanca për Presidentin: Haxhiu thotë se pa i pasur 30 nënshkrime nga dy kandidatë nuk mund të veprojë

Albulena Haxhiu tha se “bazuar në interpretime më 4 mars gjithçka duhet të përfundojë” për zgjedhjen e presidentit.

Ajo theksoi se pa 30 nënshkrime nga dy kandidatë nuk mund të veprojë.

“Unë sapo t’i kem nënshkrimet... do ta thërras seancën dhe do të procedojmë me këtë”, deklaroi ajo.

Sipas saj, para procesit kërkohen takime me të gjitha partitë parlamentare.

Haxhiu kërkoi veprime të shpejta për plotësimin e institucioneve kyçe.