Robelli për MUP-in serb: Ministria për terror kundër shteteve fqinje
Gazetari Enver Robelli, ka shpërndarë një fotografi të veturës së konfiskuar nga Policia e Kosovës, në të cilën janë vendosur dokumente të veturës e që bëjnë të ditur se i njejti është pronë e Ministrisë së Punëve të Brendshme të Serbisë.
Robelli ka thënë se dokumentet nuk lënë asnjë dilemë se prapa sulmit është shteti i Serbisë.
“Një nga veturat e bandës terroriste të Serbisë që u konfiskua nga Policia e Kosovës. Vinjeta me shënimin në vijim nuk lë asnjë dilemë: “Republika e Serbisë. Ministria e Punëve të Brendshme”. Ose Ministria për terror kundër shteteve fqinje!” – ka shkruar Robelli.
