Refuzimi i ankesës për kthimin e adresës, Bislimi: Gjykata Kushtetuese e Serbisë e legjitimoi praktikën diskriminuese

Zëvendëskryeministri Besnik Bislimi, ka reaguar pasi Gjykata Kushtetuese e Serbisë ka refuzuar ankesën e Safet Demirit nga Medvegja për kthimin e adresës, e cila i është pasivizuar më herët.

Në llogarinë e tij në platformën “X”, ai ka shkruar se ky vendim e legjitimon praktikën sistematike diskriminuese të pasivizimit të adresave që synon shqiptarët.

Sipas tij, një vendim i tillë cenon të drejtat themelore të njeriut.

“Vendimi i Gjykatës Kushtetuese të Serbisë për Safet Demirin legjitimon praktikën sistematike diskriminuese të pasivizimit të adresave që synon shqiptarët. Ai cenon të drejtat themelore të njeriut, dëshmon pse shqiptarët nuk i besojnë sistemit dhe ngurrojnë të nisin proceset gjyqësore”, ka shkruar Bislimi.

1/2 Serbia's Constitutional Court decision on Safet Demiri legitimizes the systematic discriminatory practice of address passivation targeting Albanians. It violates fundamental human rights, proves why Albanians don't trust the system & are reluctant to start judicial processes.

— Besnik Bislimi (@BislimiBesnik) November 20, 2024