Ramadani: Kurti e pranoi se qasja e tij ishte në shërbim të themelimit të Zajednicës
Politologu Shkodran Ramadani ka komentuar fjalimin e sotëm të kryeministrit Kurti në Kuvend të Kosovës.
Kryeministri i Kosovës u shpreh në Kuvend se strategjia e tij qeverisëse për dialogun kishte kërkuar garantimin e zbatimit të marrëveshjeve të arritura nga viti 2011.
Ramadani e sheh këtë qëndrim të Kurtit si një qasje në dialog që ishte “në shërbim të themelimit të Zajednicës.”
“Nuk mund ta shpallësh urgjencë kombëtare dhe imperativ shtetëror zbatimin e atyre marrëveshjeve dhe në fund të ankohesh pse partnerët tanë po insistojnë në Zajednicë.” – u shpreh z. Ramadani.
Kujtojmë se kryeministri Kurti kishte premtuar rishikimin e të gjitha marrëveshjeve në të kaluarën, por një gjë të tillë nuk e kishte bërë.
