Raci: Plani franko-gjerman i jep vulë integritetit territorial të Kosovës
Analisti Gazmir Raci ka komentuar publikimin e disa pikave të planit franko-gjerman.
Në profilin e tij në “Facebook”, ai ka shkruar se ky plan ia jep vulën integritetit territorial të Kosovës.
“Mos thuni qe s’kam qene i pari qe ju kom tregu qe plani Franko-Gjerman i jep vulë integritetit territorial te Kosovës. Qe dëshmia: ‘Palët riafirmojnë paprekshmërinë tani dhe në të ardhmen e kufirit që ekziston mes tyre dhe marrin përsipër të respektojnë plotësisht integritetin territorial të njëra-tjetrës’”, ka shkruar Raci.
Sot faqja “Euractiv” ka publikua 9 pika të planit franko-gjerman për marrëveshjen finale mes Kosovës dhe Serbisë.
