Putini e viziton Krimenë në përvjetorin e aneksimit
Presidenti rus, Vladimir Putin, e ka vizituar Gadishullin e Krimesë me rastin e 9-vjetorit të aneksimit të saj nga forcat ruse.
Televizioni shtetëror rus shfaqi një video të shkurtër, ku Putini shihej i veshur me rroba të rëndomta duke ecur bashkë me disa zyrtarë. Televizioni premtoi se do të publikonte hollësi më vonë.
Rusia e aneksoi Krimenë nga Ukraina në vitin 2014, tetë vjet para se ta niste pushtimin e Ukrainës më 2022.
Ukraina ka thënë se do të luftojë për t’i dëbuar forcat ruse nga Krimea dhe nga të gjitha territoret e tjera që Rusia i ka pushtuar gjatë luftës njëvjeçare.
