Profesori amerikan: Marrëveshja për targat u desh të arrihet më herët, pa drama nga Kurti
Profesori amerikan në Universitetin e Nju Jorkut, Alon Ben – Meir, ka thënë se marrëveshja mes Kosovës dhe Serbisë për çështjen e targave duhej arritur kohë më parë, pa dramë nga kryeministri Albin Kurti.
Përmes një shkrimi në llogarinë e tij në Twitter, Ben-Meir tha se marrëveshja e arritur para një jave, është një hap i rëndësishëm drejt zbutjes së tensionit mes dy vendeve.
Por sipas tij, marrëveshja duhej të kishte rënë dakord më herët, pa bujë e dramë nga ana e Kurtit.
“Marrëveshja e arritur mes Kosovës dhe Serbisë për çështjen e targave është padyshim një hap i rëndësishëm drejt zbutjes së tensionit mes dy vendeve. Kjo marrëveshje duhet të ishte rënë dakord shumë më herët pa aq bujë dhe drama nga ana e kryeministrit Kurti.” – tha ai.
Agreement reached between #Kosovo & #Serbia on the license plate issue is certainly an important step towards easing the tension between the two countries. This agreement should have been agreed upon much earlier without so much fanfare and drama on the part of PM #Kurti. pic.twitter.com/4TSmI034DK
— AlonBenMeir (@AlonBenMeir) November 30, 2022
Vlen të theksohet se marrëveshja u arrit para një jave, nën ndërmjetësimin e Bashkimit Evropian.
Palët shumë shpejt mund të shkojnë sërish në Bruksel, për të diskutuar propozimin për marrëveshje finale, të përkrahur edhe nga Franca e Gjermania.
