Plagosja e dyfishtë në Prishtinë, drejtori i Emergjencës: Gjendja e tyre është stabile
Sot në mbrëmje ka ndodhur një rast i konfliktit në rrugën “Qamil Hoxha”, që ndryshe njihet si “Te Pishat”, ku mbetën të plagosur dy persona.
Për gjendjet e tyre ka folur z. Naser Syla, drejtor i Klinikës Emergjente të QKUK-së.
“Janë dy të plagosur por në gjendje stabile. Njëri sipas të gjitha gjasave do të pranohet në Klinikën e Ortopedisë” – deklaroi syla për mediumin Kallxo.com.
Në prononcimin për këtë medium, z. Syla ka treguar se njëri nga plagosurit është plagosur me armë zjarri, ndërsa tjetri me mjet të mprehtë.
