Pas raportimit të Nacionales, Komuna e Vitisë fillon largimin e dokumenteve nga ish-zyra e kadastrit

Pas raportimit të gazetës Nacionale, komuna e Vitisë ka filluar largimin e dokumenteve nga ish-zyra e kadastrit.

Pamjet që ka siguruar gazeta tregojnë sa ka filluar ngarkimi i atyre dokumenteve për t`i vendosur diku tjetër.

Një ditë më parë, gazetarja e Nacionale Leonora Kolukaj ka raportuar se vendi ku janë mbajtur shumë dokumente zyrtare ka qenë i pambrojtur.

Pamjet që kishte sjell kronika zyra ngjasonte në depo mbeturinash.

Në kushte të pambrojtura aty mbaheshin shumë dokumente të vulosura, fleta poseduese të pronave, kopje të planeve etj.