Osmani takohet me Presidentin e Letonisë, u bisedua për anëtarësimin e Kosovës në Këshillin e Evropës
Presidentja e Kosovës, Vjosa Osmani është takuar me Presidentin e Letonisë, Ergils Levits.
Osmani ka bërë të ditur se ka falënderuar Levits për angazhimin dhe mbështetjen e palëkundur për Kosovën.
“Falënderova Presidentin Egils Levits për angazhimin dhe mbështetjen e palëkundur të Letonisë për Kosovën në arenën ndërkombëtare. Në një diskutim përmbajtësor mbi zhvillimet e fundit, theksuam rëndësinë e bashkëpunimit të vazhdueshëm e në veçanti gjatë presidencës letoneze të Këshillit të Evropës me qëllim të avancimit të anëtarësimit të Kosovës në këtë organizatë.” – ka shkruar Osmani.
Osmani dhe Levits u takuan gjatë Konferencës së Sigurisë në Mynih.
