“Nuk më erdhi mirë”: I mbijetuari i masakrës që dëshmoi kundër Ivanoviqit, e kritikon Kurtin
Isa Mustafa, dëshmitari kryesor në rastin e akuzës ndaj Oliver Ivanoviqit, ka reaguar pas videos së kryeministrit Albin Kurti, i cili pati fjalë të mira për ish-politikanit serb që u vra në vitin 2018.
Në gjykim, Mustafa kishte dekluruar se Ivanoviqi kishte dhënë urdhra për ekzekutimin e disa burrave shqiptarë.
“Sikur të ishte deklaratë personale e një njeriu do të ishte diçka tjetër, por është deklaratë e kryeministrit të vendit dhe nuk është deklaratë e mirë për shkak se dihet çka ka bërë Oliver Ivanoviqi gjatë dhe pas luftës në Mitrovicë.” – theksoi Mustafa për Reporteri.
“S’më ka ardhur mirë ajo deklaratë për ta mbrojtur, ku dihet se ka edhe një vendim gjykate në lidhje me ngjarjet e 14 prillit të vitit 1999 ku Ivanoviqi ishte urdhërdhënësi.” – vazhdoi Mustafa.
