Nesër nga ora 15:00 protestohet kundër shtrenjtimit të energjisë elektrike
Të shtunën nga ora 15:00, grupi “Asnjë cent ma shumë” ka thirrur protestë kundër shtrenjtimit të energjisë elektrike.
Portesta pritet të fillojë në sheshin “Skënderbeu”. Në njoftimin e tyre, ata kanë treguar arsyet e protestës.
“PSE PROTESTOJMË? Kundër rritjes së tarifave me 15%! Kundër varfërisë energjetike! Për zë qytetar dhe transparencë! Për tarifa të drejta dhe jetë me dinjitet!” - është thënë në njoftimin e tyre.
Nga kjo iniciativë kanë thënë se rritja nuk është barrë vetëm për qytetarët, por edhe për bizneset.
Prandaj, bizneseve u është bërë thirrje që t’i mbyllin lokalet gjatë kohës së protestës.
“Kjo rritje nuk është vetëm barrë për qytetarët – ajo prek drejtpërdrejt çdo biznes, duke rritur koston e operimit, duke detyruar rritjen e çmimeve dhe duke vënë në rrezik vetë qëndrueshmërinë e aktiviteteve ekonomike.
Prandaj, ju bëjmë thirrje të gjitha bizneseve që të shtunën, në shenjë solidarizimi, të mbyllin për një orë lokalet e tyre – nga ora 15:00 deri në 16:00” – thuhet në njoftim.
