Nënkryetari i Ferizajt: Çështjet e tatimit në prona, Ministria e Financave, e ka trajtuar me inat
Për çështjen e tatimit në pronë ka folur edhe nënkryetari i Komunës së Ferizajt, Lulzim Aliu.
Aliu ka deklaruar se ministri i Financave, Hekuran Murati, ka shkaktuar hamendësim rreth propozimit për faljen e nga 100 euro për qytetarë të tatimit në pronë.
“Tatimi në pronë është i pafalshëm. Nuk ka të drejtë as ministria, as komunat që ta falin nëse nuk ka ligj mbi faljet”, është shprehur Aliu në emisionin Portofol në KlanKosova.FM.
“Falja është kërkesë e paligjshme”, ka vazhduar ai.
E të premtën kuvendi Komunal i Ferizajt ka diskutuar për këtë punë.
Prej atje cilësojnë se kërkesa është që llogaritja e tatimit në pronë të bëhet sipas llogaritjeve të viteve të kaluara.
Aliu ka thënë se çështjet e tatimit në prona, Ministria e Financave, e ka trajtuar me inat.
