Ndërtesa e Qeverisë ndriçohet me flamurin e Turqisë
Për nder të tragjedisë nga tërmeti shkatërrues në Turqi, Qeveria e Kosovës ka ndriçuar objektin e saj me flamurin turk.
Kryeministri i Kosovës, Albin Kurti, ka bërë një postim në llogarinë e tij në Twitter, ku shihet ndërtesa e Qeverisë së Kosovës e ndriçuar me flamurin e shtetit të Turqisë.
“Në këtë ditë zie kombëtare, ne ndriçuam ndërtesën e qeverisë sonë me dritën kuq e bardhë për nder të viktimave të tërmetit shkatërrues të kësaj jave dhe në solidaritet me familjet dhe miqtë e tyre. Lutemi për shëndetin e të plagosurve dhe qëndrojmë pranë popullit dhe shtetit të Turqisë”, ka shkruar Kurti.
Kujtojmë se deri më tani, numri i viktimave në Turqi ka shkuar në rreth 11 mijë e 700.
On this national day of mourning we light our Government building red and white in honor of the victims of this week's devastating earthquake, and in solidarity with their families & friends. We pray for the health of those injured & stand by the people & the state of Türkiye. pic.twitter.com/Fd8dy7uiFT
— Albin Kurti (@albinkurti) February 8, 2023
