Mustafa: S'votojmë kandidatë të partisë që s'kemi marrëveshje, vota e Gashit ishte si deputet
Deputeti i Lidhjes Demokratike të Kosovës, Besian Mustafa, ka theksuar se qëndrimi i partisë së tij mbetet i pandryshuar.
Ai sqaroi se LDK nuk do të mbështesë asnjë kandidat të ndonjë partie tjetër, nëse nuk ekziston një marrëveshje politike paraprake.
“Qëndrimi i Lidhjes Demokratike ka qenë dhe mbetet konsistent”, u shpreh Mustafa.
Në lidhje me votën e deputetit të LDK-së, Arben Gashi, i cili mbështeti kandidaturën e Dimal Bashës të propozuar nga Vetëvendosje për kryetar të Kuvendit, Mustafa tha se ky ishte një vendim i pavarur.
“Për dallim nga shumica tjetër parlamentare Lidhja Demokratike e Kosovës, me të vërtetë është demokratike. Edhe z. Gashi i ka qëndrimet e tij dhe veprimet e tij si deputet”, tha ai.
