“Mos leh”: Dënohet gjuha e papërshtatshme e shefit të stafit të presidentes Vjosa Osmani
Shefi i stafit të presidentes Osmani, njihet për gjuhën e tij të ashpër në Twitter. Megjithatë, kësaj here duket se ai e ka tepruar.
“Petre, mos leh!” – i shkroi Vela zyrtarit serb Petar Petkoviq, i cili në një postim të mëhershëm u tall me presidenten Osmani.
Më pas, ai përmendi shkeljet e pretenduara të Serbisë ndaj marrëveshjeve të Brukselit.
Por, kjo gjuhë e pazakontë për skenën politike në Kosovë – megjithëse jo aq në Serbi – u denoncua madje edhe nga profile të shqiptarëve të Kosovës.
“Kur këshilltari i presidentes shkruan si naj militant analfabet i FB.” – komentoi aktivisti i PSD-së, Nol Nushi.
Visar Xhambazi nga blogu Sbunker i shkroi këto fjalë:
“Kjo gjuhë është krejtësisht e papranueshme, joetike dhe joprofesionale. Ky djalë është jashtë kontrollit. Njerëzit që s’mund ta kontrollojnë veten nuk duhet të jenë duke shërbyer në institucione publike.” – tha ai.
Ndërkohë, Leart Ajvazi, ka thënë këto fjalë:
“Tregoni dikush që “stop barking” nuk osht gjuhë e përshtatshme për shefin e kabinetit të presidentes.”
Ndërkohë, reagimet nga ana e zyrtarëve serbë ishin të pritshme.
Deputetja serbe Danijela Vujiçiq ka shkruar këto fjalë:
“Blerim, mbaje gjuhën në gojën tënde në mënyrë që të mos ndëshkohesh.”
Vujiçiq është edhe udhëheqëse e ekipit menaxhues për draftimin e Asociacionit të Komunave me Shumicë Serbe.
Ndërkaq, Nemanja Staroviq thjesht është tallur në mënyrë fyese me shefin e stafit të presidentes.
Kujtojmë se Blerim Vela kishte përdorur gjuhë të rëndë fyese edhe ndaj mediave të Kosovës, duke e akuzuar njërën prej tyre së fundi edhe për “tentim-puç”. Ai ishte dënuar më shumë se një herë për këtë gjuhë nga aktivistë të ndryshëm të shoqërisë civile.
Por, a doni ta dini se kush është Blerim Vela dhe se si e ka rrezikuar edhe më parë seriozitetin e Presidencës? Lexojeni shkrimin e mëposhtëm:
