LDK bojkoton Kuvendin, lëshon sallën dhe konfirmon se nuk do të marrë pjesë në seanca

Lidhja Demokratike e Kosovës po konsideron se ministria e Financave po tenton të marrë buxhetin e komunave. Për këtë arsye, ky subjekt politik ka vendosur që të mos marrë pjesë në seanca e as në votime.

Shefi i grupit parlamentar të kësaj partie, Arben Gashi, ka konfirmuar vendimin e LDK-së, duke thënë se nuk do të marrin pjesë në votimin e asnjë seance apo marrëveshje ndërkombëtare.

“Paaftësia dhe qëllimi i ministrit i keq po na bjen në një situatë ku ne refuzojmë të komunikojmë me të. GP i LDK-së deklaron se nuk merr pjesë në votim në asnjë seancë, në votim të marrëveshjeve ndërkombëtare, në komisione, dhe do ta shqyrtojë shumë shpejt mospjesëmarrjen në votim në kryesi.” – ka thënë ai.

Në fund, Gashi ka deklaruar si vijon: “Sjellja tekanjoze me qëllim ofendimi, përfitimi, bllokimi, për ne është e palejueshme, e patejkalueshme”.

Po ashtu, LDK-ja e ka lëshuar edhe seancën e sotme dhe nuk do të marrë pjesë në asnjë votim.