Kurti pranoi plani franko-gjerman, Beqa i PDK-së ka shumë pyetje për kryeministrin
Deputeti i Partisë Demokratike të Kosovës, Hajdar Beqa ka reaguar përmes një shkrimi në llogarinë e tij në Facebook rreth deklaratës së kryeministrit Albin Kurti se pranon planin franko-gjerman.
Beqa ka radhirut disa pyetje për kryeministrin Kurti, teska thotë se kryeministri duhet të raportoj në Kuvend për të sqaruar se çka ka pranuar.
“Kryeministër nuk është Kosova "Byro" e VV me vendos me Sfeqla & Durmishi Company”, - shkruan ndër tjera deputeti i opozitës.
Statusi i plotë:
Kryeministri Kurti sot deklaroi se e ka pranuar propozimin Franko-Gjerman!
Çfarë ke pranuar o Albin?
Çfarë përmban propozim - marrëveshja?
A ka njohje reciproke në mes dy vendeve?
A eshtë në frymën Kushtetuese?
A ka Asociacion ? Nëçoftëse po, a e konsideroni tradhti kombëtare tani?
Ku të mbetën kauzat e mashtrimit?
Ku mbeti transparenca ndaj qytetarëve? Se parimet dhe qëndrimet i ke ndryshuar me shpejtë se era!
Kryeministër nuk është Kosova "Byro" e VV me vendos me Sfeqla & Durmishi Company.
Urgjentisht Kryministër duhesh me ardhë ne seancë plenare me na sqaru çka ke pranuar?
Kosova është Republikë parlamentare dhe një marrëveshje diskutohet e pastaj pranohet dhe tërë kjo vetëm përmes votës në Parlament, e jo siç ti dëshiron!
