Kurti në takim me ambasadorët e QUINT-it
Kryeministri i Kosovës, Albin Kurti aktualisht është duke zhvilluar një takim me ambasadorët e akredituar në Kosovë.
Kështu po raportojnë media të ndryshme. Kjo pasi pranë qeverisë janë parë shumë eskorta të ambasadave.
Takimi po zhvillohet në ndërtesën e Qeverisë dhe vjen pas dakordimit që pati në Ohër me presidentin e Serbisë, Aleksandar Vuçiq lidhur me aktin e zbatimit.
Kurti sot pas një vizite në shkollën “Elena Gjika” nuk ka pranuar të komentojë rreth marrëveshjes në Ohër.
