Kurti kërkon “koordinim të vazhdueshëm me KFOR-in” në takim me Ndihmës-Sekretarin e NATO-s

Koordinim të vazhdueshëm e KFOR-in dhe NATO-n, ka kërkuar Kryeministri i Kosovës, Albin Kurti në një takim me Ndihmës-Sekretarin e NATO-s për Opeacione, Thommas Goffuss.

Kështu me dije Zyra e Kryeministrit të Kosovës në një komunikatë për media rreth përmbajtjes së takimit.

Njoftimi:

Kryeministri i Republikës së Kosovës, Albin Kurti, priti në takim Ndihmës Sekretarin e Përgjithshëm për Operacione të NATO-s, Thomas Goffus, i cili po zhvillon vizitë zyrtare në Kosovë.

Fillimisht, kryeministri Kurti e falënderoi z. Goffus për kontributin e vazhdueshëm e pozitiv të misionit të KFOR-it dhe NATO-s, si dhe angazhimin në ruajtjen e paqes e sigurisë në vend dhe rajon.

Ai theksoi rëndësinë e thellimit të bashkëpunimit mes institucioneve tona të sigurisë e mbrojtjes me KFOR-in e NATO-n dhe koordinimin e vazhdueshëm. Kryeministri Kurti tha se progresi socio-ekonomik e demokratik i vendit ecën krah për krah me sundimin e rendit dhe ligjit, ndaj të cilave përkushtimi mbetet i palëkundur e në shërbim të të gjithë qytetarëve pa dallim.

Kryeministri Kurti tha se gjatë këtyre tre vjetëve nën kërcënimet më të mëdha të sigurisë nga Serbia, kemi arritur progresin më të madh në demokraci dhe ekonomi ndërkohë që edhe kemi zmbrapsur kërcënimet e menaxhuar sukseshëm sfidimin e sigurisë dhe paqes në vendin tonë. Ne mbrojmë jo vetëm qytetarët e territorin, sovranitetin dhe demokracinë, pavarësinë dhe lirinë, por edhe progresin e prosperitetin tonë.

Kryeministri Kurti e falënderoi z. Goffus për vizitën e bisedën e zhvilluar. Prezent në takim ishin dhe Ministri i Punëve të Brendshme, Xhelal Sveçla, Ministri për Komunitete dhe Kthim, Nenad Rashiq dhe Ministri i Administrimit të Pushtetit Lokal, Elbert Krasniqi.